Salamat po, Panginoon
Sa liwanag ng umaga
Na nagpapaalala ng Iyong presensya at katapatan
Salamat po, Panginoon Sa bawat hanging aking hinihingi
Na nagpapaalala ng iyong awang umaagapay
Salamat po, Panginoon
Sa lakas ng katawan na nagpapaalala sa akin
na ang lahat ng lakas ay nagmulala sa Iyo
Salamat po, Panginoon
para sa isang isip na gumagana
Na nagpapaalala sa akin
Na lahat ng rasyonal na pagiisip ay nagsisimula sa Iyo.
Salamat po, Panginoon,
para sa koordinasyon ng mga bahagi ng aking katawan
Na nagpapaalala sa akin sa
karunungan ng Iyong disenyo.
Salamat po, Panginoon,
para sa pagkain at tirahan
Na nagpapaalala sa akin sa
Iyong pagiging mapagbigay sa mga aming mga pangangailangan.
Salamat po, Panginoon,
para sa trabaho na dapat gawin at mga gawain na dapat tapusin
Na nagpapaalala sa akin ng Iyong
walang tigil na paggawa para sa aking kapakanan.
Salamat po, Panginoon,
para sa aking pamilya at mga kaibigan
Na nagpapaalala sa akin ng na
Tanggap ako sa Iyong walang-hanggang pamilya.
Salamat po, Panginoon,
para sa Iglesia mo
Na nagpapaalala sa akin Sa Iyong
pangako na tutugunan ang aking mga espirituwal na pangangailangan.
Salamat po, Panginoon,
sapagkat patuloy Ninyo akong sinasagipin mula sa aking sarili
Na nagpapaalala sa akin ng Iyong
patuloy na espirituwal na pangangalaga.
Salamat po, Panginoon,
para sa mga naghihikayat, nagpapanatag, at nagpapayo sa akin
Na nagpapaalala sa akin ng
Iyong tapat at masigasig na biyaya.
Salamat po, Panginoon,
para sa kadakilaan ng iyong Salita
Na nagpapaalala sa akin na
Ikaw ang pinakadakilang guro ko.
Salamat po, Panginoon,
para sa makapangyarihan tanglaw ng Inyong Espiritu
Na nagpapaalala sa akin ng Iyong
sigasig para malaman, mahalin, at paglingkuran Ikaw.
Salamat po, Panginoon,
para sa masakit na kombiksyon
Na nagpapaalala sa akin ng aking
pangangailangan ng Iyong nagpapabanal na biyaya.
Salamat po, Panginoon,
sa pagpapatuloy at pagtanggap ng aking mga pangungumpisal
Na nagpapaalala sa akin na
mabagal Kayong magalit at sagana ang Iyong pag-ibig.
Salamat po, Panginoon,
para sa mga sariwang umpisa at bagong simulain
Na paulit-ulit akong pinaaalalahanan
ng katapatan ng Inyong pagpapatawad.
Salamat po, Panginoon,
para sa aking tungkulin bilang Iyong kinatawan
Na nagpapaalala sa akin na
mamuhay na mayroong pananaw ng Iyong kaharian.
Salamat po, Panginoon,
para sa iyong mapag-gabay na kamay
Na nagpapaalala sa akin na
ang buhay ko ay gumagalaw ayon sa iyong kagustuhan.
Salamat po, Panginoon,
para sa pasakit at mga pagsubok
Na nagpapaalala sa akin ng
ang aking kahinaan at lakas.
Salamat po, Panginoon,
sapagka’t Kayo’y nagbibigay ng nagpapalakas na biyaya
Na nagpapaalala sa akin na
Hindi ako nilayong mamuhay nang para sa sarili lamang.
Salamat po, Panginoon,
para sa isang tadhana na tiyak
Na nagpapaalala sa akin na ang
pag-asa ay matatagpuan lamang sa Iyo.
Salamat po, Panginoon,
na kayo ang Panginoon ng mga Panginoon
at sa pamamagitan ng biyaya
Ako ay Inyong anak magpakailanman.
“Ako’y magpapasalamat sa Panginoon ng aking buong puso; aking ipakikilala ang lahat na iyong kagilagilalas na mga gawa. Ako’y magpapakasaya at magpapakagalak sa iyo: ako’y aawit ng pagpuri sa iyong pangalan, Oh ikaw na kataastaasan.” (Awit 9:1-2, Ang Dating Biblia (1905)
Mga Tanong Na Dapat Pagnilayan
- Kailan ka huling sumamba sa Diyos para magpasalamat sa araw-araw na pagpapala sa pagbibigay ng araw at ng init at liwanag na ibinibigay Niya?
- Ilista ang ilang karagdagang pagpapalang na nararanasan mo araw-araw. Ano ang mga nakasanayan mong natatanggap na nalilimutan mong iyon ay mga kaloob ng Diyos?
- Aling aspeto sa listahan ng “Salamat po, Panginoon” ang pinaka-nararanasan mo araw-araw? Sa iyong palagay, bakit ito ang iyong na pili?
4. Aling bahagi saq listahan ng “Salamat po, Panginoon” ang hindi gaano mo napapasin, o kalimitan ay binabalewala o karapat-dapat para sa iyo? Sa iyong palagay, bakit I to ang iyong na pili?
This short devotional was translated by Nitoy Gonzales and was originally written by Paul David Tripp. To read the original version click https://www.paultripp.com/wednesdays-word/posts/thank-you-lord
Marianito “Nitoy” M. Gonzales
Marianito “Nitoy” M. Gonzales is an ordinary guy who serves an extraordinary God. A government employee, blogger, and founder of https://delightinggrace.wordpress.com. Happily married to Cristy-Ann and father to Agatha Christie who worship and serve at Faithway Community Baptist Church, Sta. Rita Batangas City.
